Schnacken över Social Media

“Wat bildst du di in ? Jüst to Coronatieden wo een nich binanner sitten dörff, markt een, wo goot FB as soziale Plattform fungscheneert. Wi gaht vun tohuus ut rut in de Welt, wi köönt deel hemm an dat Leven vun Oma un Opa in Qurantäne. Wi köönt uns mit annere tosamen schluten. FB stött de Döör op to niege Welten. Wat du ut düsse Schangsen makst is ganz alleen dien Saak. FB is´n grote Marktplatz, wo jedeen sien Meenen seggen kann. Lüüd mit glieke Interessen wat wiet verdeelt över den Globus leevt, köönt sik heel eenfach mitenanner verbinnen un sik uttuuschen. Genial! Dorvun afsehn, düt Medium is mächtig, dörff een nich ignoreeren. Sülvst wenn du de Ogen dorför verschluten deist, de Riese liggt liekers för dien Fööt. FB hört to uns Medienlandschap dorto. Johrteinte lang hebbt de klassischen Medien, Zeitung, Radio un Fernsehen ganz baven an de pyradimale Spitz seeten un över de Minschen thront. Man, all Bertolt Brecht dröömte dorvun dat (Radio)”Empfänger” ok “Senner” warrn kunnen. Nu is dat Realität worrn.

“Mien Gegenöver kiekt mi nadenkersch an un seggt, “Leve Lornz, mit een Saak hest du Recht! Mien Huut is wat dünner worrn, sietdem ik bi Facebook bün. Ik mark dat ik weniger Gedüür heff, un jümmer weniger tolerant bün, gegenöver vun so nöömte avers ok echte “Frünnen”! Wenn dor ton Bispill een mit Coronaverschwörungstheorien üm de Eck oder utt´n digitalen Knick kaamt. Dat regt mi mi so op. Man liekers, nie nich worr ik op de Idee kamen, de App to löschen.”

“Wat hest du denn mit dien FB-Früünd makt, wat de Corona-Gefohr lütt schnackt hett ?”

“Ik heff em anropen!”

“Un denn ?”

“Denn hebbt wi lang mitenanner schnackt, un denn hett he sien Corona-Kommentare relativeert, weern wull gor nich so extrem meent ween”

“Aha!”

Is denn doch noch en heel kommodigen Grillavend worrn.