Dörch mien Arbeit in de Redaktschoon heff ik Kuntakt to Musiker*innen, wat mit veel Knööf un Kreativität dwars un dweer dörch alle Rebeete, de plattdüütsche Musikszene rieker makt.

So is düsse Siet as dat Leven ok nich afslaten, se wasst mit de Tied.

Un ik fang eenfach mal mit‘n Twieg an. Körtens hett he noch bi NDR1 Welle Nord modereert, denn hett he wunnerbore Ideen för „Hör mal’n beten to“ Geschichten un he arbeit jüst an een niege CD ! Mien afsolute Favorit vun Gerrit Hoss is „Ik kann dat Meer sehn“. As anspeelt inˋ NDR-Portrait. He weer dor to Gast bi Yared Dibaba, de as Moderator, Autor, plattdüütschen Entertainer un Muskant, ok mit de Schlickrutschers ünnerwegens is. Geern op de Reeperbahn. De Hansestadt is een kreative Placken op de Landkort wo eeniges wasst. As de Tüdelband. Mire Buthmann und Malte Müller hebbt jüst bi uns ehr niege CD/Hörspeel- Projekt „Ahab“ vörstellt, lohnt sik un höören rin. Wenn een över de plattdüütsche Musikszene snackt, dörff een natürli Jan Graf nich vergeten. He is Verteller, Musiker, Moderator, Plattreferent bi´n Heimatbund, kort un knapp, uns bannig kreatives plattdüütschet „Multifunktions“-Warktüüg.